У Грузіі ў наступным годзе плануюць адкрыць беларускае фармпрадпрыемства

Ужо сёння экспарт гэтай групы тавараў уносіць істотны ўклад у агульны гандлёвы кошык дзвюх краін. 8 пагадненняў з 15, падпісаных у Тбілісі падчас беларуска-грузінскага дзелавога савета, датычыліся паставак лекавай прадукцыі. Агульная сума кантрактаў - 2 мільёны долараў. Да канца года гэтая лічба можа вырасці яшчэ на 50 %.

Міхаіл Русы, намеснік прэм'ер-міністра Беларусі: "Пастаўлена задача і будзе пабудавана лагістычнае прадпрыемства. На гэтай пляцоўцы ўсе вытворцы будуць вырабляць свае прэпараты, каб забяспечыць лекамі ўнутраныя патрэбнасці насельніцтва і з гэтай пляцоўкі працаваць на рынкі трэціх краін. Гэта даволі цікавы праект, і я думаю, што ён будзе рэалізаваны".

Акрамя таго, краіны прадоўжаць супрацоўніцтва ў галіне адукацыі і абмену вопытам, аказання высокатэхналагічнай медыцынскай дапамогі, у тым ліку кардыялогіі, транспланталогіі і артапедыі.