У Брэсцкай вобласці рэкордны ўраджай кукурузы - сярэдняя ўраджайнасць складае 278 цэнтнераў з гектара

Рэкордна вялікі ўраджай кукурузы паспеў у Брэсцкай вобласці. Сельгаспрадпрыемствы ўжо перавыканалі план па сенажы і адначасова нарыхтоўваюць збожжа. На прадпрыемстве "Агра-Ніва" Камянецкага раёна з поля зараз збіраюць да ста цэнтнераў з гектара. Арганізацыя спецыялізуецца на вытворчасці малака, і сёлета трэба накарміць 7 тысяч кароў.  Да сезона дажджоў аграрыі імкнуцца паспець нарыхтаваць як мага больш кукурузы.

У сярэднім ураджайнасць кукурузы на корм па Брэсцкай вобласці складае 278 цэнтнераў з гектара. Усяго сёлета ў рэгіёне разлічваюць нарыхтаваць 4 млн 800 тыс. тон кукурузы на сілас. І гэта гістарычны максімум. Такі вынік вобласць атрымае ўпершыню.