Экспартны і інвестыцыйны патэнцыял самай вялікай вобласці краіны - Мінскай - сёння ацанілі ўдзельнікі рэгіянальнага эканамічнага форуму. На базе завода "Джылі" ў Барысаўскім раёне прайшла сустрэча дэлегацый з шасці краін - гэта прадстаўнікі рэгіёнаў-пабрацімаў Цэнтральнага рэгіёна з Расіі, заходняй Еўропы і Азіі. У цэлым, экспартная карта Мінскай вобласці вельмі шырокая і ўжо налічвае больш як 150 краін свету. Летась прадпрыемствы цэнтральнага рэгіёна на экспарце зарабілі 7 мільярдаў долараў.
Асноўныя гандлёвыя партнёры цэнтральнага рэгіёна Беларусі - Расія, Кітай, Бразілія, Украіна, Германія і Літва.
У гэтых краінах калясяць нашы аўтагіганты з Жодзіна, на прылаўках магазінаў можна набыць малочную прадукцыю і мяса. Акрамя таго, наладжаны пастаўкі легкавых аўто, чыгуначных вагонаў і калійных удабрэнняў. Дарэчы, летась экспарт з Мінскай вобласці ў Расію пераадолеў адзнаку $3 мільярда. Больш за ўсё нашы кампаніі зарабілі на гандлі з Масквой - амаль 700 мільёнаў долараў. Прыкладна столькі ж прынёс экспарт у Маскоўскую вобласць. Аснову паставак склалі нехарчовыя тавары. А вось у паўночнай сталіцы Расіі, як раз наадварот - асабліва каціруецца малачка, мяса і гародніна.
Выраслі і пастаўкі ў Кітай. У Паднябеснай пераважна карыстаюцца попытам калійныя ўдабрэнні, жодзінскія аўтагіганты і скура. Акрамя гэтага кітайскіх партнёраў цікавіць беларускія мяса, малочная прадукцыя і макаронныя вырабы. Узаемны тавараабарот перавысіў мільярд долараў. Экспарт у 2018 годзе ў Кітай склаў $300 млн. У тройку гандлёвых партнёраў Мінскай вобласці, якая замыкае, - Бразілію - актыўна пастаўляліся калійныя ўдабрэнні, сродкі абароны раслін, а таксама оптыка і друкаваная прадукцыя. На пастаўках тавараў у паўднёваамерыканскую краіну прадпрыемствы цэнтральнага рэгіёна зарабілі амаль 560 мільёнаў долараў.
Што датычыцца ўкладу ў ВУП краіны, то па паказчыках валавога рэгіянальнага прадукта Мінская вобласць упэўнена займае лідзіруючую пазіцыю сярод іншых рэгіёнаў. Наперадзе толькі сталіца.
Так, у якіх кірунках прадстаўнікі бізнес-дэлегацый з-за мяжы бачаць перспектывы?
Надзея Сербіненка раскажа, як прайшла бізнес-сустрэча. Мінская вобласць сёння прэзентуе свой інвестыцыйны патэнцыял. Удзел у эканамічным форуме прымаюць дэлегацыі з Чэхіі, Славакіі, Санкт-Пецярбурга, Кахеціі і Таджыкістана. Пляцоўкай для прэзентацыі магчымасцяў цэнтр рэгіёна стаў завод "Белджы" - і не выпадкова. Беларуска-кітайская аўтамабільная вытворчасць ужо практычна выйшла на праектную магутнасць. Чысты прыбытак за 9 месяцаў - больш як 10 мільёнаў долараў. Эканамічныя поспехі толькі падганяюць кіраўніцтва кампаніі ў наступным годзе пераадолець новую мяжу 35 тысяч аўтамабіляў з канвеера.
Сёння большасць удзельнікаў рэгіянальнага форуму ўпершыню ўбачылі, як збіраюць "Атлас" і "Эмгранд". Здзівіць удалося нават спрактыкаваных.
Пасля экскурсіі па аўтамабільным заводзе ўдзельнікі перайшлі да асноўнай часткі форуму - знаёмства з экспартным патэнцыялам рэгіёна ў цэлым. Міні-прэзентацыі правялі каля 20 вядучых кампаній Цэнтральнага рэгіёна з розных сфер: ад вытворчасці касметыкі, лекаў, малака і мяса да аўтамабілебудавання і інфармацыйных тэхналогій. Замгубернатара Кахеціі падзяліўся, як нашы агрэгаты працуюць на палях Грузіі.
Зараз на экспартнай карце Мінскай вобласці - больш як 150 краін. Летась прадпрыемствы цэнтральнага рэгіёна на продажы тавараў і паслуг зарабілі 7 мільярдаў долараў.
Ужо заўтра ўсе ўдзельнікі эканамічнага форуму стануць ганаровымі гасцямі галоўнага свята ўраджаю - абласных "Дажынак". У нефармальнай абстаноўцы дэпутаты і чыноўнікі змогуць пазнаёміцца з нашай народнай культурай і скласці поўную карціну, чым насамрэч багатая Беларусь.
