Найбліжэйшыя сем дзён абяцаюць быць аднымі з самых гарачых для беларускага бізнесу. Тут не проста сустракаюцца, каб паціснуць руку партнёрам, але і каб пашырыць бізнес-кантакты, знайсці новых кліентаў, прадэманстраваўшы інавацыйныя распрацоўкі і новыя бізнес-падыходы. Ключавой падзеяй тыдня стане першая ў краіне выстава - форум інавацыйных кампаній і стартапаў, што разгорнецца 13 і 14 лістапада ў Нацыянальным выставачным цэнтры "БелЭкспа". Форум збярэ на адной пляцоўцы прадстаўнікоў бізнесу і ўлады для абмену вопытам, вызначэння стратэгій развіцця і наладжвання карысных сувязяў, пройдуць стартап-спаборніцтвы, запланавана мерапрыемства для дзяцей і падлеткаў - канферэнцыя па бізнесе. Як адзначана падчас адкрыцця, гэты тыдзень - яшчэ адзін крок у стварэнні спрыяльнага бізнес-асяроддзя ў Беларусі.
Сёння для падтрымкі бізнесу дзяржавай прынятыя сур'ёзныя меры. Амаль год працуе лібералізацыйны пакет, і ўжо ёсць канкрэтныя вынікі - расце колькасць суб'ектаў малога і сярэдняга прадпрымальніцтва, запрацаваў апавяшчальны парадак адкрыцця свайго бізнесу. Прынята новая праграма дзейнасці да 2020 года. У ёй пытанне стварэння спрыяльнага бізнес-асяроддзя замацавана ў якасці асноўнага прыярытэту эканамічнай палітыкі.
