Рэалізацыя праекта - гэта частка маштабнай праграмы па мадэрнізацыі сістэмы ачысткі сцёкавых вод. Паводле слоў спецыялістаў, новы праект дазволіць значна сэканоміць выдаткі на энергію.
Ігар Пылінскі, галоўны інжынер КУВП "Вадаканал" г. Баранавічы: "Увод біягазавага комплексу дапаможа палепшыць экалагічную абстаноўку ў рэгіёне за кошт паніжэння выкідаў у атмасферу шкодных рэчываў, знізіць нагрузку на падземныя воды, таксама будзе паменшана колькасць адходаў тэхналагічнага працэсу. Выпрацоўка дазволіць знізіць выдаткі на энерганосьбіты на 20%".
Будаўніцтва комплексу пачалося ў красавіку 2016 года. Яго кошт склаў каля 11 мільёнаў рублёў. Гэта крэдыты Еўрапейскага банка рэканструкцыі і развіцця, гранты шведскага агенцтва, сродкі Баранавіцкага вадаканала і экалагічнага і інавацыйнага фондаў краіны.
