Клубніцы зімой, экзатычныя грыбы шыітаке або асятрына з чорнай ікрой з Беларусі. Яшчэ пару гадоў таму пры ўзгадванні гэтых далікатэсаў многія скептыкі толькі ўсміхаліся. Але сёння гэта больш як рэальнасць. І замест заморскай ікры або сцерлядзі на нашых сталах прадукты пад маркай "Зроблена ў Беларусі".
У гэтым, дарэчы, мы асабіста ўпэўніліся і паспрабавалі нашы ўласныя дэлікатэсы ў навагоднім “Галоўным эфіры”! Клубніцы на густ былі, як у бабулі з градкі!
А якую рыбу нам тады прынёс кіраўнік Мінсельгасхарча – фарэль і афрыканскага сома, але вырашчаных у Беларусі.
Дарэчы, аб рыбе… Толькі летась рыбаводы вырабілі больш як 700 тон каштоўных парод рыбы і прадалі каля тысячы кілаграмаў чорнай ікры.
Зрэшты, менавіта за дэлікатэсы нас перыядычна папракаюць партнёры. Маўляў, адкуль у краіне, дзе традыцыйна разводзяць карпаў, шчупакоў і карасёў, такія вынаходствы?
Аляксандр Харавец акунуўся ў эксперыментальныя басейны з асетрамі.
На гадзінніку каля поўдня. Васіль Вяргейчык на нагах з 6 раніцы, але толькі зараз снедае. І то на ходзе ў машыне. Гаворыць, апетыт, як і грошы, трэба зарабіць. Сёння ў меню каша грацкая, катлеты на пару і какава.
Ноу-хау з лыжкай кіраўнік фермерскай гаспадаркі ўкараніў 17 гадоў таму. Калі адным з першых у краіне вырашыўся разводзіць асетраў у прамысловых маштабах.
Нас знаёмяць з адной з прамаці каштоўных рыб у фермерскай гаспадарцы. У Беларусь гэты экзэмпляр трапіў з Астрахані яшчэ мальком.
Вось у гэтым басейне жывуць выключна самкі - мамы практычна ўсіх асятровых, якіх вырошчваюць на комплексе. Іх вага ад трох ды 50 кілаграмаў. А ў даўжыню некаторыя асобіны перавышаюць паўтара метра. Літаральна праз тры тыдні яны адправяцца на нераст і дадуць ікру.
Нераставы перыяд у асетраў - з канца студзеня і да чэрвеня. Згодна з законамі прыроды, не ўсе асобіны штогод даюць ікру. І ўсё ж за сезон тут збіраюць каля 200 кілаграмаў далікатэсу. Але на бутэрброды ў лепшым выпадку адпраўляюцца пару грамаў. З астатняга атрымліваюць малькоў і зноў запускаюць у басейны.
За год малькі могуць вырасці да 4 кілаграмаў. У прыродных умовах для гэтага патрабуецца не менш як 3 гады. І сёння ў басейнах разам з асетрамі растуць бялуга, сцерлядзь і некалькі гібрыдаў з сямейства асятровых. За сезон атрымліваюць больш як 30 тон рыбы.
Нядаўна фермер заняўся і вырошчваннем дэкаратыўнай рыбы. І ў басейнах плюскаецца карп коі. Мяса гэтых істот таксама вельмі карыснае. Але вырабляюць іх выключна для прыгажосці і зарыблення штучных вадаёмаў. Васіль Вяргейчык падкрэслівае, каб вырасціць прыгожую рыбку, трэба быць сапраўдным дыпламатам. І ўлічваць цікавасць нават малька.
І такая дыпламатыя пакідае задаволеным кожнага. Усё, як у вялікай чалавечай палітыцы. Толькі летась айчынныя рыбаводы рэалізавалі больш як 700 тон каштоўных парод рыбы. І атрымалі каля тысячы кілаграмаў ікры. Дэлікатэс прыйшоўся даспадобы не толькі беларусам, але і суседзям, якія перыядычна здзіўляюцца - адкуль у Сінявокай чорная ікра.
Аграпрамысловы комплекс Беларусі і ў будучыні будзе засноўвацца на экспарце сельгаспрадукцыі. І ўжо сёлета галіна нацэлілася зарабіць больш як 6 мільярдаў долараў ад паставак прадукцыі за мяжу. У тым ліку за кошт нетрадыцыйных сфер.
Высокую ацэнку якасці беларускіх тавараў даў і кандыдат у прэзідэнты Расіі ад Камуністычнай партыі Павел Грудзінін. Прафесійны аграрый, узначальваў падмаскоўны "Саўгас імя Леніна" - адзін з найлепшых у краіне.
Васілю Вяргейчыку за сваю прадукцыю сапраўды не сорамна. Акрамя рыбы, у фермера самыя вялікія ў СНД і Еўропе плошчы па вырошванні хрэна. А яшчэ ён займаецца вытворчасцю бараніны, свініны, аленіны і птушкі. Уся прадукцыя экалагічна чыстая. І за якасны тавар галасуюць рублём спажыўцы. За свежым мясам чарга выстройваецца з 8 раніцы.
Для душы Васіль Вяргейчык разводзіць канёў. Беларускі запражны, савецкі, рускі і нават літоўскі цяжкавозы. У табуне 300 чыстакроўных скакуноў. Кожнага гаспадар ведае па мянушцы. У будучыні плануе завесці канёў з Францыі.
Свой бізнес фермер развівае амаль 30 гадоў. За гэты час аб'ездзіў паўсвету. Усё для таго, каб прывесці ў нашу краіну найлепшыя тэхналогіі. Кіраўнік гаспадаркі прызнаецца - працаваць на зямлі справа няпростая. Але плячо падставіла дзяржава. І сёння ў Беларусі створаныя лепшыя ўмовы па развіцці сваёй справы на роднай зямлі.
