У Беларусі і Японіі добрыя перспектывы ў галіне прамысловай вытворчасці

Такое меркаванне выказалі прадстаўнікі японскай станкабудаўнічай карпарацыі - глабальнага сусветнага лідара, якая даўно супрацоўнічае з БелАЗам. Станкі, пастаўленыя японцамі некалькі дзесяцігоддзяў таму, дагэтуль спраўна працуюць. Але задачы ў беларускага аўтагіганта раслі і ў новай мадэрнізацыі абсталявання - зноў паўдзельнічалі японскія вытворцы.

Віктар Крупскі, прадстаўнік БелАЗа: "Эканамічны эфект ад пастаўкі гэтых чатырох станкоў - паніжэнне працаёмкасці на 40%".

Атсушы Кабаяшы, менеджар станкабудаўнічага канцэрна (Японія): "У Беларусі зараз ідзе прамысловы ўздым, мы гэта бачым і, вядома, тое, што ў вашай краіны ў рамках новага аб'яднання з Расіяй і Казахстанам асобы статус, статус моста паміж Усходам і Захадам, робіць наша супрацоўніцтва больш перспектыўным".

Аэракасмічная галіна - яшчэ адзін паспяховы і актыўны кірунак для японскіх станкабудаўнікоў, да якой могуць далучыцца і беларусы.