Новыя магчымасці для развіцця малога бізнесу даў найбуйнейшы беларускі рэтэйлер. Гандлёвая сетка "Еўраопт" адкрыла магазін дробнага аптовага гандлю на плошчах гіпермаркета "Еўраопт. Сухарава" ў Мінску.
У кампаніі ўпэўненыя, што плюсы такога шопінгу па праве ацэняць пакупнікі.
Больш падрабязна Вольга Анішчанка.
Дробнааптовы сэрвіс ад "Еўраопта" нагадвае вядомы міжнародны брэнд - магзіны фармату Кэш энд Кэры. Пакупнік можа выбраць тавар як у рознічным варыянце, так і апусціць у цялежку аптовую партыю. А прадавец зніжае кошт у залежнасці ад аб'ёму пакупкі. Чым цяжэйшы кошык, тым больш прывабны кошт.
Асартымент дробнааптовага гандлю ў гэтым магазіне - гэта тысячы таварных пазіцый. Прычым, прапанова рэтэйлера не абмяжоўваецца толькі харчаваннем. Тут і прамысловая група тавараў, і бытавая хімія. Пакупнік, выбіраючы дробны опт, у выніку эканоміць значна, абяцае кіраўнік кампаніі.
Цэны вельмі адрозніваюцца ад цэнаў у звычайных магазінах сеткі пры адзінкавых пакупках.
Прапанова "Еўраопта" ў сённяшніх эканамічных умовах выгадная і для фізічных асоб, якія гатовыя і ўмеюць эканоміць, і для прадпрымальнікаў, якія рэалізуюць тавары ў павільёнах і крамах у малых гарадах і сельскіх населеных пунктах краіны. У кампаніі перакананыя, што новая прапанова будзе толькі спрыяць развіццю рознічнага гандлю ў рэгіёнах, павысіць канкурэнтаздольнасць прадстаўнікоў рэгіянальнага малога бізнесу.
Рэтэйлер разлічвае, што паслуга дробнааптовага гандлю будзе асабліва запатрабаваная ў індывідуальных прадпрымальнікаў. Кампанія гарантуе тавар з усімі суправаджальнымі дакументамі, а таксама дае магчымасць зрабіць пакупкі, у тым ліку ў рэгіёнах, даступнымі для спажыўцоў, і пры гэтым забяспечыць бізнесу ў глыбінцы прымальны ўзровень даходу.