Заўтра ў Беларусь пачнуцца пастаўкі расійскай нафты ад трэйдараў. Першы з двух танкераў ужо прыбыў у порт Клайпеды і стаў на разгрузку. Пра гэта сёння паведамілі ў канцэрне "Белнафтахім". Па чыгунцы сыравіну накіруюць на "Нафтан".
Нагадаем, раней Беларусь дамовілася аб пастаўках 160 тысяч тон расійскай нафты для нашых нафтаперапрацоўчых заводаў, набытай праз трэйдараў без прэміі. У спісе пастаўшчыкоў нафты без прэміі таксама 6 расійскіх кампаній.
Яшчэ 2 танкеры (гэта прыкладна 170 тысяч тон) чакаем ад азербайджанскіх пастаўшчыкоў. У Беларусь сыравіна будзе дастаўлена праз Украіну па нафтаправодзе Адэса - Броды. Першую партыю плануюць адправіць у найбліжэйшыя дні, другую - 20 сакавіка. Беларускія НПЗ увогуле разлічваюць атрымаць у гэтым месяцы каля мільёна тон сыравіны.
Танкер з нафтай для Беларусі прыбыў у порт Клайпеды
4 марта 2020