Сыр "Камамбер" будуць выпускаць у Вілейцы

Экспартныя рынкі пашыраюць вытворцы беларускага харчавання. У 106 краін свету мы прадавалі нашы прадукты летась  - больш як на 6 мільярдаў долараў. Гандлёвы патэнцыял узмацняе і ўдзел айчынных вытворцаў на буйных міжнародных выставах. Напрыклад, перапрацоўшчыкі малака, сярод іх і Слуцкі сыраробны камбінат, у лютым прэзентуюць навінкі ў Дубаі. Усё больш прадпрыемстваў АПК прапануюць і ноу-хау ў імпартазамяшчэнні. Напрыклад, Вілейка стане пілотнай пляцоўкай у Беларусі, дзе асвояць вытворчасць сыра для гурманаў.