Будаўнічую пляцоўку Нежынскага ГУК наведалі спецыялісты з Канады

Праект сусветнага ўзроўню з унікальным для Еўропы спосабам свідравання шахтаў. Будаўнічую пляцоўку Нежынскага ГУК наведалі спецыялісты з Канады. Гэта ўжо 11-я група экспертаў горназдабыўной галіны, якая прыязджае ў Любанскі раён, каб пазнаёміцца з тэхналогіяй комплексаў SBR. Праходка шахтных ствалоў - механізаваная. Тэхніка цалкам замяніла ручную працу пры свідраванні шахтаў і дазволіла выключыць выкарыстанне ўзрыўчаткі.

Дэрэк Бадж, кіраўнік службы бяспекі шахтабудаўнічага холдынгу Redpath group (Канада): "Мы рады наведаць Беларусь, гэтую прыгожую краіну, і азнаёміцца з праектам Слаўкалія. Гэта тэхналагічны праект сусветнага ўзроўню, які ўвойдзе ў гісторыю праходкі шахтных ствалоў. Гэта вельмі ўражвае".

Кевін Мелонг, кіраўнік аперацыйнага аддзела шахтабудаўнічага холдынгу Redpath group (Канада): "Я наведваў шматлікія рудні па ўсім свеце і магу сказаць, што гэта адзін з самых інавацыйных праектаў, якія я калі-небудзь бачыў. Гэта ўражлівы праект!"

Інавацыйная тэхналогія комплексаў SBR ужо даказала сваю эфектыўнасць: хуткасць у забоі павялічылася амаль у два разы. У канцы красавіка на Нежынскім ГУК пройдзе дзень адчыненых дзвярэй. На працягу тыдня аб'ект наведае ўся сусветная эліта горназдабыўной прамысловасці.