Краіны ЕС зацікаўленыя ў пастаўцы беларускай папяровай тары

У сувязі з актыўным пераходам на экалагічнае пакаванне і адмовай ад пластыкавых пакетаў еўрапейскія вытворцы не заўсёды спраўляюцца з патрэбнасцямі свайго рынку. 

30 працэнтаў папяровага пакавання, якое выпускаюць прадпрыемствы Беллеспаперпрама, адпраўляецца на экспарт у краіны Еўрасаюза. Магутнасці такіх прадпрыемстваў пакуль загружаныя менш як напалову. У выпадку росту цікавасці на ўнутраным рынку яны гатовыя павялічыць іх да 100 працэнтаў.

Юрый Назараў, старшыня канцэрна "Беллеспаперпрам": "Для гэтага ўсё ёсць. І вытворчасць. Вось вы бачыце, пачынаючы ад бярвення, уласная цэлюлоза, макулатурную сыравіну мы перапрацоўваем. Таму засталося адно - рынак. Пераходзіць на папяровае пакаванне, альтэрнатыўнае пластыку, і мы гатовыя задаволіць патрэбнасці краіны".

Павел Шчасновіч, гендырэктар прадпрыемства па вытворчасці папяровага пакавання: "З павелічэннем знізіцца сабекошт, і яны стануць больш канкурэнтнымі ў параўнанні з поліэтыленам. Плюс немалаважна папулярызаваць экалагічнае пакаванне".

Зараз папяровы пакет даражэйшы за пластыкавы ўдвая. Дарэчы, эколагі завуць поліэтыленавыя пакеты сапраўдным бедствам для навакольнага асяроддзя. Перыяд гніення можа даходзіць да 10 стагоддзяў, а мікрапластык, на які яны распадаюцца, назапашваецца ў арганізме чалавека.