«Зялёнае святло» высокатэхналагічным праектам! Сталіца і Мінская вобласць падтрымліваюць развіццё тэхнапаркаў. Сёння актывізуецца «Вялікі камень», на чарзе яшчэ адзін праект навукоўцаў - «БелБіяград» у Мінску. Хто прэтэндуе на «пад'ёмны капітал» і як прайсці шлях ад ідэі і распрацоўкі да прыбытку? Аб усім больш падрабязна - Аляксей Кандраценка.
На месцы старых прамысловых будынкаў - стыльны і функцыянальны хай-тэк. Новы корпус Мінскага гарадскога тэхнапарка - гэта сем незалежных вытворчых боксаў. Камфортная тэрыторыя рыхтуецца да наваселля. Усё створана для кампаній шырокага профілю. Сёння тут больш як 30 рэзідэнтаў - з такіх сфер, як прыборабудаванне, оптыка, лазерная тэхніка.
Свежы корпус і ў тэхнапарка БНТУ «Палітэхнік». Адзін з актуальных напрамкаў - распрацоўка і вытворчасць інавацыйных вырабаў для медыцыны. Пры гэтым вучоныя разумеюць: прыдумаць - мала, трэба прадаваць. У выніку навуку паставілі на камерцыйныя рэйкі.
Патэнцыял інстытутаў Нацыянальнай акадэміі навук таксама аб'ядноўваецца ў новую фармацыю.
Яшчэ адзін вялікі навукова-вытворчы кластар на дзелавой карце сталіцы з'явіцца ўжо сёлета. «БелБіяград» сканцэнтруецца на такіх сферах як нана-, фарм-, бія- і іншых навукаёмістых тэхналогіях.
Сёння сталічныя кампаніі, якія займаюцца перспектыўнымі інавацыйнымі праектамі і ствараюць прынцыпова новую прадукцыю, могуць атрымаць фінансавую дапамогу з інавацыйнага фонду горада.













