Вялікая канцэнтрацыя новабудоўляў чакаецца ў Аршанскім раёне. Прасторныя памяшканні, новае абсталяванне, укараненне перадавых тэхналогій у АПК дазволяць стварыць для жывёл камфортныя ўмовы. А гэта напрамую паўплывае на якасць сельгаспрадукцыі. У чым асаблівасць новых праектаў? І якога эфекту чакаюць аграрыі?
Рэпартаж Марыны Раманоўскай. Мікалай Карасёў расказвае: гэты малочна-таварны комплекс у вёсцы Карпекі - чаканая новабудоўля для АПК Полацкага раёна. З чатырох дзясяткаў ферм толькі восем можна назваць сучаснымі. Большасць узведзены яшчэ ў мінулым стагоддзі па старых праектах. Новая аб’яднае некалькі будынкаў і дазволіць утрымліваць жывёл у камфортных умовах.
Памяшканні з аптымальным мікракліматам, даенне пры дапамозе робатаў, аналіз колькасці і якасці малака. Гэтая новая ферма ў Аршанскім раёне - яскравы прыклад выкарыстання перадавых тэхналогій у жывёлагадоўлі. Тут нават задзейнічалі энергію сонца. На даху спецыяльныя ўстаноўкі. Камфортныя для жывёл умовы і сучасныя даільныя залы дазволяць атрымліваць прадукцыю высокай якасці, а значыць стабільна працаваць. Напрыклад, у Аршанскім раёне зараз узводзяць адразу некалькі буйных ферм. Акрамя будаўніцтва з нуля, ідзе і мадэрнізацыя старых комплексаў.
На гэтай будаўнічай пляцоўцы штодня працуюць больш за 150 чалавек і паўсотні адзінак тэхнікі. Карпусы разлічаны на 2 тысячы кароў. Паралельна з будаўніцтвам комплексу робяць і траншэі, каб забяспечыць жывёл якаснымі кармамі.
Яшчэ зусім нядаўна гэта былі закінутыя карпусы жывёлагадоўчага комплексу, пабудаванага ў савецкія часы. Але пускаць пад знос будынкі не сталі. Вырашылі аднаўляць. За справу ўзялася гаспадарка «Задняпроўскі» - яна ўваходзіць у Аршанскую інтэграцыйную структуру. Побач з адрамантаванымі карпусамі з'яўляюцца і вось такія новабудоўлі.
Сельская гаспадарка мае патрэбу ў кадрах. Каб прывабіць перспектыўных спецыялістаў у вёску, неабходна адпаведная інфраструктура. У паўночным рэгіёне распрацавана сістэма заахвочвання - прадугледжаны даплаты, жыллё. Сёлета ў АПК Віцебскай вобласці прыйшлі працаваць больш за сотню маладых спецыялістаў.
Сучасныя малочна-таварныя фермы ўзводзяць у паўночным рэгіёне краіны
7 декабря 2019