Дамоўна-прававая база ўключае каля 200 дакументаў, пагадненняў і пратаколаў, а сяброўскія адносіны з прымежнымі раёнамі ў нашай краіны яшчэ з часоў Саюза. І цалкам зразумела, што, акрамя пытанняў асабліва эканамічных, узнікаюць і жыццёвыя. Асабліва ў сферы сельскай гаспадаркі. Паказальны прыклад рэгіянальнай кааперацыі - адносіны са Смаленскай вобласцю. Асабліва падчас пасяўной, якая стартавала ў абедзвюх краінах. Напярэдадні губернатар рэгіёну Аляксей Астроўскі звярнуўся да беларускіх аграрыяў з прапановай перадаць ім землі адразу ў сямі раёнах вобласці. Правесці пасяўную сваімі намаганнямі на Смаленшчыне не могуць па розных прычынах: не хапае спецыялістаў і тэхнікі. Усё гэта ёсць у нас. Адна ўмова: створаныя на расійскай тэрыторыі беларускія прадпрыемствы павінны быць зарэгістраваныя ў Расіі.
Варта адзначыць, што прымежным гаспадаркам наша краіна дапамагае ўжо не першы год. Кожнае лета падчас уборачнай гарачай пары ў суседнія раёны Расіі накіроўваюцца дзясяткі камбайнаў і лепшыя экіпажы: намаганнямі беларусаў на палях Расіі сабраная не адна тона збожжа. І гэта не засталося незаўважаным. На гэтым тыдні ў Інтэрнэце адразу на некалькіх сайтах з'явілася і вось такая інфармацыя. Жыхары аднаго з сямі раёнаў, землі якога губернатар Смаленскай вобласці прапанаваў беларусам - Шумячскага, пачалі ў Інтэрнэце збіраць подпісы за далучэнне да нашай краіны - аб гэтым, у прыватнасці, піша аўтарытэтны расійскі партал NEWSRU.COM. Паводле інфармацыі выдання, гэтую ініцыятыву ўжо падтрымалі каля дзвюх тысяч чалавек.
