Супрацоўніцтва Беларусі і Кітая умацоўваецца ў самых розных галінах

Дзякуючы асабістаму ўдзелу лідараў Беларусі і Кітая супрацоўніцтва дзвюх краін умацоўваецца ў самых розных галінах. І што характэрна - з пастаяннай дынамікай росту.

Кітай у тройцы гандлёвых партнёраў Беларусі. У знешняй эканоміцы за пяць гадоў найбольшае павелічэнне тавараабароту ў долара-грашовым выражэнні адбылося менавіта з КНР. Пацясніўшы Германію, яна апынулася на трэцім месцы асноўных гандлёвых партнёраў нашай краіны.

Прамыя інвестыцыі - рост у 200 разоў. А калі гаварыць аб прамых інвестыцыях з Кітая ў Беларусь, то за 10 гадоў яны павялічыліся ў 200 разоў.

Кантэйнерныя перавозкі - рост у 100 разоў. Перавозкі паміж КНР і Еўропай складаюць больш за палову ўсіх кантэйнерных грузаў Беларускай чыгункі. За апошнія сем гадоў яны выраслі стакроць.

Экспарт прадуктаў у Кітай – рост у 15 разоў. Пастаўкі беларускага харчавання ў Кітай у грашовым эквіваленце за два гады таксама на ўзлёце. Было 10 мільёнаў рублёў, стала 150 мільёнаў. Галоўныя драйверы росту - малочная і мясная прадукцыя.

30-дзённы бязвізавы рэжым. Увядзенне бязвізавага рэжыму павялічыла не толькі турыстычны паток, але і колькасць дзелавых пералётаў у нашу краіну. Беларусь для кітайцаў больш не экзотыка. Як і Кітай для беларусаў.

Дарэчы, у КНР 2019 аб'яўлены Годам адукацыі Беларусі ў Кітаі. У Паднябеснай з'явілася мода на беларускую мову. У некаторых ВНУ адкрыліся курсы беларускай мовы.

Нельга, вядома, не ўспомніць дзясяткі іншых праектаў Беларусі і Кітая, сярод якіх завод "Белджы" і тэхнапарк "Вялікі камень".