Пагадненне аб гандлёва-эканамічным супрацоўніцтве падпісалі губернатары Брэсцкай і Калінінградскай абласцей

У горадзе над Бугам пагадненне аб гандлёва-эканамічным супрацоўніцтве сёння падпісалі губернатары Брэсцкай і Калінінградскай абласцей. Асаблівая цікавасць да будаўнічай галіны. Брэсцкія спецыялісты ўдзельнічаюць ва ўзвядзенні стадыёна ў Калінінградзе да чэмпіянату свету па футболе. А ў ліпені пачнецца рэалізацыя новага праекта - узвядзенне прадпрыемствам "Брэстжылбуд" пяці шматкватэрных дамоў у горадзе Гусеў Калінінградскай вобласці для маладых сем'яў. За чатыры месяцы тавараабарот паміж рэгіёнамі склаў больш чым 4 мільёны долараў. Задача - павялічыць лічбу ўдвая.