Сучасныя патрабаванні ўлічваюць і на Нежынскім горна-ўзбагачальным камбінаце, які будуецца. Упершыню ў Еўропе свідраванне шахт калійных радовішчаў тут будуць ажыццяўляць безузрыўным метадам. На месца традыцыйных прыходзіць больш экалагічны, бяспечны і хуткі - механізаваны спосаб праходкі. Перадавую тэхналогію "Слаўкалій" сёння прадэманстраваў журналістам. Маштаб канструкцыі ўражвае. 52 метры ў вышыню і вагой 400 тон. На будаўнічую пляцоўку комплексы дастаўлялі на сарака фурах. Кіраваць машынамі будуць беларусы, зараз яны праходзяць навучанне. Але адметна, што для кіравання ўсімі аперацыямі патрэбны толькі адзін аператар, які, знаходзячыся ў камфартабельнай кабіне, зможа назіраць за працэсам па маніторы.
Нагадаем, будаўніцтва Нежынскага горна-ўзбагачальнага комплексу пачалося ў 2015 годзе. Гэта будзе другое прадпрыемства ў Беларусі па здабычы калійнай руды і вытворчасці калійных угнаенняў, магутнасцю да 2 мільёнаў тон хларыду калію за год.
