Шэсць мільёнаў тон збожжа. Такі вынік на гэтую раніцу. Да фінішу ўборачнай застаецца ўсё менш дзён. Нагадаем, асноўныя палявыя працы павінны скончыцца 20 жніўня.
У паўднёвым рэгіёне ўжо завяршаецца масавае жніво. Там засталося менш чым 3 % плошчаў. Магілёўская і Гомельская вобласці амаль зраўняліся. Віцебскі рэгіён, які пачаў уборачную пазней усіх, узяў паўмільённы рубеж. Такім чынам, усяго ў краіне намалочана 6 мільёнаў 11 тон збожжа. Прыбраць засталося крыху больш за пятую частку плошчаў. Сярэдняя ўраджайнасць - 36 цэнтнераў з гектара.
