Ужо на наступным тыдні сталіца прыме Генасамблею Міжнароднай электратэхнічнай камісіі. Эксперты з больш як 80 краін прадоўжаць распрацоўку адзіных стандартаў для складанага свету электронікі. Дзякуючы адзіным падыходам спажывец не адчувае складанасцяў пры карыстанні, напрыклад, бытавой тэхнікай або камп'ютарнымі праграмамі. Прадстаўнікі Дзяржстандарту сёння падкрэслілі, што прымаць Генасамблею ў Мінску, значыць актыўна ўплываць на міжнародную тэхнічную палітыку, а таксама наладзіць кантакты з вядучымі кампаніямі сусветнага ўзроўню.
Віктар Назаранка, Старшыня Дзяржкамітэта па стандартызацыі Беларусі: "Для нас важна, па-першае, бачыць, якія кірункі развіваюцца ў свеце. Для нас важна бачыць, які шлях для сябе выбралі гэтыя вядучыя лідары ў галіне электронікі, энергетыкі, камунікацыйных тэхналогій. Для нас вельмі важна выйсці на кантакт з гэтымі людзьмі. І мы зацікаўлены, каб тая вялікая колькасць экспертаў (больш за сотню чалавек), якія будуць удзельнічаць, змогуць не проста пагутарыць, але i наладзіць кантакты, прадэманстраваць цікавасць нашай краіны, паказаць, што мы можам рабіць у сябе ў краіне".
Рашэнне аб правядзенні Генасамблеі ў Мінску беспрэцэдэнтна. Для такіх статусных форумаў міжнародная арганізацыя выбірае перспектыўныя і паспяховыя рэгіёны, якія ўяўляюць патэнцыяльную цікавасць для развіцця бізнесу і прамысловасці. У апошнія гады такая Генасамблея праходзіла ў Кітаі, Канадзе, Францыі, ЗША, Аўстраліі і іншых краінах.
