Сёння ў Мінску будзе абмяркоўвацца беларуска-польскае супрацоўніцтва

У сталіцу прыбывае парламенцкая дэлегацыя Польшчы. У праграме візіту - сустрэчы ў Нацыянальным сходзе, перамовы ў СЭЗ "Гроднаінвест", знаёмства са славутасцямі рэгіёна. Адзначым: Польшча ўваходзіць у лік асноўных гандлёва-эканамічных партнёраў Беларусі. У нашай краіне налічваецца 350 сумесных вытворчасцяў. Аб'ём польскіх інвестыцый складае каля 350-ці мільёнаў еўра.