Сёння ў Беларусі заканчваецца тэрмін выплаты падаходнага падатку за мінулы год, нагадалі ў профільным міністэрстве. Cбор налічваецца на падставе падатковых дэкларацый. Грамадзяне падавалі дакументы да 1 сакавіка. Нагадаем, заплаціць падаходны павінны тыя, хто на працягу года прадаў некалькі машын, а на працягу пяці гадоў - дзве або больш кватэры, дамы або зямельныя ўчасткі. Абкладваюцца падаткам таксама даходы з-за мяжы і буйныя грашовыя падарункі. Большасць беларусаў заплацілі падатак своечасова. Тыя ж, хто не паспеў наведаць аддзяленні банка або паштовай сувязі, могуць разлічыцца дыстанцыйна. Да канца сутак без штрафу плацяжы прымаюць у Інтэрнэце.
Міхаіл Расолька, начальнік галоўнага ўпраўлення Міністэрства па падатках і зборах Беларусі: "Аплаціць можа ў тым ліку той, хто падключаны да асабістага кабінета падатковых органаў. Гэта можна зайсці праз асабісты кабінет. Але тым не менш аплачваць будуць толькі тыя, хто падключаны да інтэрнэт-банкінгу альбо мабільнага банкінгу. Адпаведна выбіраецца від плацяжу. Праблем тут, я думаю, не павінна ўзнікнуць. І, вядома, праз аддзяленні сувязі, банкі. Гэта ўжо ў тым ліку наяўнымі грашовымі сродкамі. Заканадаўствам прадугледжана адказнасць за несвоечасовую выплату збору. За кожны дзень пратэрміноўкі налічваецца пеня. А за несвоечасовую выплату прадугледжана адміністрацыйная адказнасць".
У наступным годзе кампанія па дэклараванні пройдзе ў новым фармаце. Грамадзянам дадуць магчымасць падаваць дэкларацыі ў электронным выглядзе. Для гэтага ў любой падатковай інспекцыі трэба будзе атрымаць індывідуальныя лагін і пароль.
