Больш як 200 экспертаў прынялі ўдзел у міжнароднай канферэнцыі і абмеркавалі сучасныя падходы падчас арганізацыі адпачынку ў вёсцы. Ініцыятарам і арганізатарам мерапрыемства выступіў Белаграпрамбанк. Як зрабіць аграбізнес паспяховым - высвятляла Вераніка Бута.
Аграсядзібы завуць маторам у развіцці беларускіх вёсак. З невялікімі грашыма, але з цікавымі ідэямі можна ператварыць сяло ў месца паломніцтва турыстаў. І шматлікім гэта атрымліваецца.
Лепшых у аграэкатурызме ўшаноўвалі сёння пад гукі музыкі і апладысментаў. У фінале рэспубліканскага конкурсу, арганізаванага Белаграпрамбанкам, 15 сядзіб з усіх абласцей краіны. Гран-пры і больш як 17 млн. рублёў паедуць у Свіслацкі раён.
Яніна Козюк пачала сваю справу з атрымання льготнага крэдыту. Праз шэсць гадоў яе сядзіба - гэта комплекс, які складаецца з пяці хатак і шасці гектараў воднай зоны. За год - больш як 3,5 тысячы турыстаў.
Белаграпромбанк па свояёй уласнай ініцыятыве пачаў садзейнічаць развіццю аграэкатурызму яшчэ ў 2007-м. З таго моманту колькасць сядзіб вырасла з 23 да 2 тысяч. Сёння чацвёртая частка рынку сфармаваная з дапамогай крэдытаў банка. Умовы: у беларускіх рублях пад 5% гадавых на тэрмін да 5 гадоў. Рынак, гавораць эксперты, насычаны.
Якім чынам яго павысіць, абмяркоўвалі сёння на міжнароднай канферэнцыі. Сродкаў для прыцягнення турыстаў дастаткова. Дапамагчы ў гэтым вырашыў і Белаграпрамбанк. Яго новыя прапановы - яшчэ адзін аргумент на карысць адпачынку ў вёсцы.
Поспех агратурыстычнага бізнесу залежыць не толькі ад грошай. Апроч фінансаў, важна ўкласці ў сваю справу і трохі душэўнай цеплыні. Тады бізнес сапраўды акупіцца.
