Як зрабіць вытворчасць сучаснай, але пры гэтым не пакінуць працаўнікоў на вуліцы? На прадпрыемстве "Івацэвічдрэў" гэтую праблему паспяхова вырашылі. Пасля мадэрнізацыі старую лінію дрэўна-стружкавых пліт закрылі, а сотні работнікаў перайшлі на новую пляцоўку. Пры гэтым працы на аўтаматызаваных лініях навучыліся ў замежных спецыялістаў. Вікторыя Патоня - аб узоры правільнай аптымізацыі.
Івацэвічдрэў - найбуйнейшы ў краіне вытворца дрэўна-стружкавых пліт. Геаграфія продажаў - паўсотні гарадоў Беларусі, Еўропы і краін СНД. На дзвюх пляцоўках укаранёная сістэма кантролю якасці і бяспекі працы.
Пяць гадоў таму на прадпрыемстве прайшла глабальная мадэрнізацыя. Па сутнасці, тут пабудаваны новы завод. Выпуск дрэўна-стружкавых пліт вырас у тры разы. Сёння цэхі загружаныя цалкам, аб'ёмы вытворчасці - вялікія. Для параўнання: штогод тут выпускаюць больш як 3 тысячы чыгуначнай прадукцыі.
Але тэхнічны прагрэс не стаў падставай для скарачэнняў. 300 чалавек са старога цэха перайшлі на новую пляцоўку. Навучыліся ў нямецкіх спецыялістаў прынцыпам працы з машынамі-аўтаматамі. Васіль Новік на прадпрыемстве 20 гадоў. Гаворыць, што сучасныя лініі куды больш зручныя.
Сёння на прадпрыемстве працуюць тысяча чалавек, як і да мадэрнізацыі. Сучасны цэх працуе ў 4 змены, у рэжыме нон-стоп.
Сёння старую пляцоўку таксама перапрафілююць. З чэрвеня тут плануюць адкрыць цэх па вырабе мэблі. Першыя ўзоры ўжо збіраюць амаль 60 працаўнікоў.
Пытанні кадравай палітыкі і павышэння кваліфікацыі абмяркоўваліся і падчас сустрэчы прафсаюзнага актыву прадпрыемства са старшынёй Федэрацыі прафсаюзаў Беларусі. Міхаіл Орда перакананы, што ў калектыўнай дамове любога прадпрыемства павінен быць пункт абавязковага навучання кадраў.
Для параўнання: у Заходняй Еўропе ахоп павышэння кваліфікацыі працаўнікоў складае 80%, у нашай краіне пакуль 25. Пытанні правільнай мадэрнізацыі і аптымізацыі кадраў прафсаюзы маюць намер таксама абмеркаваць на пасяджэнні Нацыянальнага савета па працоўных і сацыяльных пытаннях, які пройдзе ў красавіку.
