Перамовы аб асаблівасцях сертыфікацыі прадуктаў прайшлі сёння з прадстаўнікамі беларускай Акадэміі навук. У італьянскай дэлегацыі - бізнесмены з 10 кампаній вострава. Гэта вытворцы віна, сыру, алею, сардынскага хлеба і, вядома ж, знакамітай італьянскай пасты. Госці з Сардзініі ўжо наведалі магазіны буйных гандлёвых сетак і пагутарылі з патэнцыяльнымі заказчыкамі.
Стэфана Мамелі, генеральны сакратар канфедэрацыі сардынскіх кампаній: "Кампаніі, якія прыехалі сёння ў Беларусь, - гэта невялікія кампаніі. Таму дакладна іх цікавіць магчымасць устанаўлення гандлёвага абмену. Аднак у цэлым наша місія не абмяжоўваецца дамовай аб экспарце. Мы хацелі б разгледзець усе магчымыя варыянты супрацоўніцтва".
Аляксандр Кільчэўскі, галоўны вучоны сакратар НАН Беларусі: "Сардынская кухня вельмі цікавая, там шмат морапрадуктаў, шмат своеасаблівых прадуктаў харчавання, якія падаўжаюць жыццё чалавека. Бо сардынцы вызначаюцца тым, што яны ўваходзяць у пяцёрку рэгіёнаў свету, дзе большая колькасць доўгажыхароў".
У будучыні італьянскія прадпрымальнікі плануюць пачаць перамовы аб стварэнні сумесных харчовых прадпрыемстваў. Гэтая праца пачалася. Кіраўніцтва Акадэміі навук з калегамі з універсітэта Кальяры падпісалі пагадненне аб супрацоўніцтве. Навукоўцы дзвюх краін будуць працаваць над стварэннем тэхналогій у вытворчасці прадуктаў.
