Рыбгасы Мінскай вобласці развіваюць вытворчасць каштоўных відаў рыбы

25 Кастрычніка 2017

Так, новае прадпрыемства ў Стаўбцоўскім раёне ўжо рэалізавала больш за сто тон вясёлкавай фарэлі. Яна часткова заменіць імпарт. Чаму сёння ў трэндзе асятровыя і ласосевыя і як выглядае беларуская чорная ікра? У пытаннях аквакультуры разбіраўся Аляксей Кандраценка.

Узяць драпежніка жыўцом і голымі рукамі. У выпадку з фарэллю гэта дзве-тры секунды, большае рыба не дазволіць, асабліва калі яна галодная. Але такіх асобін у гэтай таварнай фарэлевай гаспадарцы няма, бо рыбу тут кормяць 6 разоў за суткі.

Руслан Раўнівых, галоўны рыбавод рыбгаса: «Гадуецца фарэль у падрыхтаванай вадзе, шасціразовае кармленне спецыяльным камбікормам. Плюс, каб не было страт, і само індустрыяльнае рыбаводства прадугледжвае атрыманне максімальнага прыросту за кароткія тэрміны”.

У Беларусі ручаёвая фарэль пад аховай Чырвонай кнігі, таму разводзяць у рыбгасах іншую яе разнавіднасць - вясёлкавую.

Наогул беларуская фарэль - гэта наш адказ імпартнай рыбе, напрыклад, з Нарвегіі. Дарэчы, там аквакультурай займаюцца таксама ў штучных умовах. Праўда, на выхадзе наша айчынная рыба – гэта перапрацоўка.

Вясёлкавую фарэль вырабляюць у Стаўбцоўскім раёне круглы год. У перспектыве тут з'явяцца яшчэ два новыя цэхі, і агульны аб'ём выпуску будзе ўжо 270 тон за год. Такія гаспадаркі працуюць і ў іншых кутках Мінскай вобласці. Гэты напрамак аквакультуры падтрымліваецца ў тым ліку праграмай развіцця аграбізнесу па ўсёй краіне.

А яшчэ беларускія рыбаводы развянчалі міф пра тое, што сапраўдная чорная ікра толькі на Каспіі. Летась рыбгас з Брэсцкай вобласці рэалізаваў 1 тысячу кілаграмаў дарагога, але карыснага далікатэсу. 


Папулярныя

Рэкамендуемыя