Кіраўніцтва Мінскай вобласці гатова падтрымаць ініцыятывы прыватнага бізнесу

Найперш тыя, якія прынясуць інавацыі і новыя рабочыя месцы. Пра гэта сёння заявіў губернатар цэнтральнага рэгіёна Аляксандр Турчын на абласной нарадзе па развіцці прадпрымальніцтва. Як адзначылі на сустрэчы спікеры, адна з праблем - выдзяленне і афармленне зямельных участкаў для вядзення бізнесу. Што тычыцца прыцягнення інвестараў, то тут акцэнт зробяць на аддаленых ад сталіцы раёнах. Акрамя таго, стала вядома, што новыя кампаніі-рэзідэнты плануюць прыйсці на прамысловую пляцоўку Жодзіна, а таксама ў свабодную эканамічную зону "Мінск".

Трэці год запар рэспубліканская канфедэрацыя прадпрымальніцтва прызнае Мінскую вобласць лепшым рэгіёнам Беларусі для вядзення бізнесу. З сотні працаўладкаваных жыхароў цэнтральнага рэгіёна 30 атрымалі працу на малых і сярэдніх прадпрыемствах. Менавіта гэты сегмент прадпрымальніцтва фарміруе ўжо 40 % падатковых паступленняў у бюджэт.