Ноч музеяў пачнецца ў Мінску напачатку мая і працягнецца да канца чэмпіянату свету па хакеі. Рашэнне прынялі, каб турысты пасля матчаў змаглі пазнаёміцца ??з экспазіцыямі. Больш маштабным таксама стане і фестываль рамеснікаў, які замест аднаго дня расцягнецца на час чэмпіянату.
Грошы на гэтыя і іншыя праекты лічыў Якаў Бута. Начныя дзяжурныя з'явяцца ў беларускіх музеях на час чэмпіянату свету. Пазнаёміцца з мастацтвам можна будзе не як звычайна - да 7-8 вечара, але і глыбокай ноччу.
На новы рэжым працы музейныя ўстановы краіны пяройдуць у канцы красавіка - за тыдзень да пачатку сусветнага першынства. Графік змянілі, каб турысты змаглі наведаць музеі пасля матчаў, якія часцей за ўсё заканчваюцца каля паўночы.
Адзіным музеем Мінска, які не зможа сустрэць турыстаў, стане музей гісторыі Вялікай Айчыннай вайны. Тут ідзе падрыхтоўка да пераезду ў новы будынак.
Каля 450 мільярдаў рублёў дадаткова накіруюць на будаўніцтва аб'ектаў да чэмпіянату. Напярэдадні гэту суму зацвердзілі гарадскія ўлады. Больш за 100 мільярдаў будуць укладзены ў завяршэнне будаўніцтва Чыжоўка-Арэны. Яшчэ 250 - на ўвод у эксплуатацыю гасцініц. Таксама ў спісе заапарк, Музей Вялікай Айчыннай і парк 900-годдзя Мінска.
Горад майстроў на час чэмпіянату з'явіцца вось тут, на Мінскім замчышчы. У маі на пляцоўцы каля Палаца спорту пройдзе фестываль рамеснікаў Вясновы букет.
Традыцыйна майстры народнай творчасці дэманстравалі свае працы ў Лошыцкім парку. Сёлета кірмаш рамеснікаў пераедзе на новае месца і будзе працягвацца не адзін дзень, як гэта было раней. Вясновы букет збярэ ўдзельнікаў з усіх куткоў краіны. На кірмашы можна будзе не толькі набыць аўтарскія вырабы, але і паўдзельнічаць у майстар-класах.
