Рамонтныя работы на ўчастку нафтаправода Мазыр - Брэст-3

Нафтаправод "Дружба" ў найбліжэйшыя два дні будзе часткова на рамонце. Работы запланаваны на ўчастку Мазыр - Брэст-3 да 17 студзеня. Яшчэ летась спецыялісты абследавалі тысячу 300 кіламетраў трубы і далі справаздачу з рэкамендацыямі аб рамонце дэфектаў. Напярэдадні, папярэдне апавясціўшы ўсе зацікаўленыя бакі, "Гомельтранснафта Дружба" пачала работы на двух участках магістралі, якія знаходзяцца паблізу населеных пунктаў і вадаёмаў,  што нясе істотныя экалагічныя рызыкі дзейнасці прадпрыемства. Правядзенне рамонтных работ прывядзе да зніжэння ціску ў трубаправодзе і частковага прыпынку перапампоўкі нафты, аб чым беларускі аператар  апавясціў расійскую трубаправодную манаполію "Транснафта".

Транзіт расійскай нафты ў Еўропу ідзе згодна з графікам 

Рамонт не адаб'ецца на агульных аб'ёмах транзіту расійскай нафты ў Еўропу. У ААТ "Гомельтранснафта Дружба" запэўнілі, што інтарэсы пакупнікоў нафты ў Польшчы і Германіі  не будуць ушчэмленыя. Усе работы ўзгодненыя. Больш за тое,  графік рамонту ўчастку ў Мазырскім раёне супадае з графікам работ у Расіі. Зараз  уся прадукцыйнасць ланцужка ад Самары да Польшчы  зніжана да агавораных аб'ёмаў.