Сітуацыя з рэканструкцыяй малочна-таварных ферм у Беларусі - у цэнтры ўвагі Камітэта дзяржкантролю.
Паводле іх звестак, толькі ў Магілёўскай вобласці цалкам здадзена ў эксплуатацыю палова ферм, якія неабходна было мадэрнізаваць. На астатніх комплексах работы альбо ўсё яшчэ ідуць, альбо зусім спыніліся.
У прычынах негаспадарчага падыходу разбіраўся Уладзімір Сёмкін.
Гэта складальнікі канструкцыі для новай фермы коштам дзясяткі мільёнаў рублёў. Амаль два гады таму СВК Язерскі заказаў іх у Чэрыкаўскага лясгаса. За ўсё заплацілі немалыя грошы. Аднак каркасы дагэтуль гніюць пад адкрытым небам.
Новы старшыня ў Язерскім працуе ўсяго другі месяц, сітуацыю тлумачыць проста. Няма грошай. Летась запланавалі будаўніцтва новай фермы. Гэта два кароўнікі і даільная зала. Сродкаў хапіла толькі на першыя два складальнікі. Зараз няма за што нават наняць тэхніку, каб вывезці з тэрыторыі лясгаса свае ж будматэрыялы.
На гэтым месцы яшчэ ў канцы мінулага года павінен быў быць пабудаваны кароўнік на 288 галоў дойнага статка. Відаць, што нейкія мінімальныя работы тут вяліся, але нядоўга.
Зараз на завяршэнне будаўніцтва і пагашэнне даўгоў трэба больш за 11 мільярдаў рублёў. А ўзяць няма дзе.
Аналагічная сітуацыя і ў суседзяў. Кіраўнік УРСП Эксперыментальная база Чэрыкаў, каб забраць з лясгаса заказаныя будматэрыялы, грошы знайшоў. Толькі зараз дзясяткі мільёнаў рублёў ляжаць прама на зямлі недалёка ад зернесушыльнага комплексу. Пытанне будаўніцтва - больш чым туманная перспектыва.
І такія факты безгаспадарлівасці не адзінкавыя па краіне. Сітуацыя па будаўніцтве і рэканструкцыі малочна-таварных комплексаў на пастаянным кантролі.
Аднак і такія праблемы вырашаюцца, калі ёсць жаданне. Старшыня СВК Махава ў спадчыну таксама атрымаў сельскагаспадарчы даўгабуд. На вырашэнне пытання пайшло не больш за 2 месяцы. Зараз тут будуецца комплекс, першы ў Магілёўскім раёне па такіх тэхналогіях. Запланавана, што каровы сюды пераедуць ужо сёлета.
