Развіццё супрацоўніцтва Беларусі з Архангельскай вобласцю абмяркоўваюць у Палацы Незалежнасці

21 Лютага 2020
Сустрэча з губернатарам Архангельскай вобласці ў гэтыя хвіліны ў Палацы Незалежнасці працягваецца. Абмяркоўваюцца пытанні эканамічнага супрацоўніцтва паміж рэгіёнамі. Наша краіна можа прыняць удзел у маштабнай рэнавацыі горада на Паўночнай Дзвіне. Ёсць цікавасць у Беламор’я і да айчыннай тэхнікі. Дарэчы, нашы БелАЗы здабываюць там алмазы ўжо не першы год.

За мінулы год Беларусь і Архангельская вобласць давялі агульны тавараабарот амаль да 50 мільёнаў долараў. У асноўным гэта рэальны сектар эканомікі: туды пастаўляем  запчасткі для трактароў і тэхнікі, ялавічыну, малако, вырабы з цэменту, бетону. У зваротным кірунку едуць піламатэрыялы, воўна і запчасткі для камунікацыйных апаратаў. З мас-маркету жыхарам Архангельска добра вядомыя нашы абутковыя брэнды і ніжняя бялізна - там працуе цэлая сетка нашых магазінаў.