Прэзідэнт сустрэўся з кіраўнікамі МЗС Фінляндыі і Швецыі
Прэзідэнт Беларусі сёння правёў сустрэчу адразу з двума міністрамі замежных спраў - Фінляндыі і Швецыі. Падчас зносін Аляксандр Лукашэнка заявіў: наша краіна зацікаўлена ў наладжванні ўзаемапаважлівых і добрасуседскіх адносін з Еўрапейскім саюзам у цэлым. І ў прыватнасці з дзяржавамі, якія прадстаўляюць госці. Пазітыўна ўспрымаецца тое, што візіт праходзіць зараз – пасля правядзення ў Беларусі парламенцкіх выбараў. Што да сітуацыі ў рэгіёне і свеце, то само жыццё ў цяперашняй сітуацыі падштурхоўвае да больш цеснага, а галоўнае ўзаемавыгаднага партнёрства.У Беларусі вельмі шмат агульнага з дзяржавамі Паўночнай Еўропы
Краіны звязвае працяглая гісторыя гандлёвых адносін і кантактаў у розных сферах. Аляксандр Лукашэнка запрасіў шведскія і фінскія кампаніі больш актыўна брацца за сумесныя праекты ў такіх сферах, як транспарт, лагістыка, аднаўляльная энергетыка, энергаэфектыўнасць, дрэваапрацоўка.Беларусь будуе атамную станцыю ў Астраўцы, Хельсінкі сваю Ханхіківі-1. І мы гатовы пераняць фінскі вопыт па гарантаванні бяспекі, тым больш што станцыя ўзводзіцца па аналагічным праекце і тым жа расійскім падрадчыкам.
Ну, а першы візіт кіраўніка шведскага знешнепалітычнага ведамства гаворыць аб новай старонцы ў адносінах дзяржаў.
Швецыя ў дзясятцы краін - імпарцёраў беларускай мэблі.
Сусветна вядомая кампанія "Ікея" прытрымліваецца выразнай стратэгіі развіцця бізнесу ў нашай краіне і нарошчвання закупак.Супрацоўніцтва Scania і БелАЗа па пастаўках рухавікоў дапамагае беларускай тэхніцы выходзіць на рынак Еўрасаюза.
Гэта прыклады партнёрства, якое спрыяе мадэрнізацыі эканомікі, замацаванню на новых рынках і выгаднае бізнесу. Але разлічваюць, што цяперашні візіт надасць імпульс развіццю адносін Беларусі з усёй Паўночнай Еўропай.