Работа эканомікі Беларусі і развіццё грашова-крэдытнай сістэмы - Прэзідэнт прыняў з дакладам старшыню Нацбанка

31 января 2022
Усе найважнейшыя эканамічныя абавязацельствы, узятыя ў гэтым годзе, павінны быць безумоўна выкананыя. Такую задачу паставіў Прэзідэнт перад урадам і Нацыянальным банкам.  

Кіраўнік дзяржавы прыняў з дакладам кіраўніка Нацбанка Паўла Калаўра і памочніка па пытаннях развіцця грашова-крэдытнай сістэмы Валерыя Бельскага. Прэзідэнт падкрэсліў: гэтую сустрэчу не варта ўспрымаць, як размову аб праблемах. Насупраць, фінансавы сектар летась спрацаваў годна, нягледзячы на знешні ціск. Беларусь вытрымала гэты прэсінг. Як вынік - рубель паказаў устойлівасць да знешніх шокаў. Нацыянальная валюта за год не толькі не аслабла, але і ўмацавала свае пазіцыі. Гэты факт адбіўся на настроях укладчыкаў. Давер насельніцтва да банкаўскай сістэмы ўмацаваўся. І  гэта добрая база для далейшага росту. Галоўнае - геапалітычныя выклікі не павінны быць перашкодай для развіцця эканомікі і павышэння якасці жыцця людзей.

Сітуацыя на фінансавым рынку

Асаблівую ўвагу ўрад засяродзіць на мерах па стрымліванні інфляцыі. Па выніках мінулага года гэты паказчык не ўклалі ў запланаваны калідор. У гэтым - забяспечыць коштавую стабільнасць  - галоўнае патрабаванне да ўрада і Нацбанка, у прыватнасці. Неабгрунтаваны рост трэба перарываць (тут Прэзідэнт прынцыповы). У той жа час Нацыянальны банк прагназуе, што інфляцыя ўжо ў першым квартале года  выйдзе на так званае плато. А пасля азначыцца ўстойлівая траекторыя яе паніжэння.  

Нацбанк прагназуе запаволенне інфляцыі ў другой палове 2022 года

Калі трэнд па інфляцыі захаваецца, як прагназуе Нацбанк, то гэта гарантуе і ўстойлівасць стаўкі рэфінансавання. Яна не выйдзе за рамкі 10 % гадавых. Не выклікае боязі і сітуацыя на рынку дэпазітаў.  Рэгулятар канстатуе прырост укладаў і ў нацыянальнай валюце, і ў замежнай. Паўтара працэнта штомесяц.