Пра гэта сёння заявіў старшыня Камітэта дзяржкантролю падчас рабочай паездкі ў Брэсцкую вобласць. Леанід Анфімаў наведаў сыраробны камбінат Бярозы, а таксама прадпрыемства, якое вырабляе керамічную плітку. 85 % прадукцыі завода ідзе на экспарт, у тым ліку ў Расію, Польшчу, Румынію і краіны СНД. Першую партыю керамаграніту плануецца паставіць і ў афрыканскую дзяржаву Мазамбік. Кіраўнік ведамства сустрэўся з калектывам прадпрыемства і падкрэсліў, што праца правяраючых органаў будзе адкарэктаваная.
Леанід Анфімаў, Старшыня Камітэта дзяржаўнага кантролю Беларусі:
"Рабочая група створана дзеля маніторынгу дзеючай сістэмы кантрольна-нагляднай дзейнасці ў Рэспубліцы Беларусь і ліквідацыі непатрэбных, наносных праяў з боку кантрольных наглядных органаў, якія сапраўды перашкаджаюць працаваць у цэлым эканоміцы Беларусі".
Аляксандр Пабожны, гендырэктар ААТ "Бярозабудматэрыялы":
"Вядома, любая праверка - гэта дадатковая нагрузка на нашых работнікаў. Неабходна сабраць мноства дадатковай інфармацыі, падаць яе. А гэта перашкаджае асноўнай працы. Праверкі павінны быць, але не ў тым колькасці, як яны на сённяшні дзень ёсць".
На керамічным заводзе працуюць пад заказ, а не на склад. Пастаянна нарошчваюць аб'ёмы вытворчасці, мадэрнізуюць цэхі. Магутнасці дазваляюць выпускаць больш за 10 мільёнаў квадратных метраў пліткі за год. Ужо ў красавіку тут установяць дадатковую лінію па вырабе керамаграніту.
