Прамысловыя цэнтры Мінскай вобласці сёлета правядуць мадэрнізацыю сваіх прадпрыемстваў і абновяць самі гарады. Так, маштабныя змены чакаюць Салігорск. Сёлета гораду шахцёраў 60 гадоў. Напярэдадні тут з'явіліся дадатковыя землі для будаўніцтва жылля. У планах адразу некалькі новых мікрараёнаў. Акрамя таго, свой імідж зменіць і парк па вуліцы Набярэжнай. Гэта будзе зона для актыўнага адпачынку, заняткаў спортам і масавых мерапрыемстваў.
Салігорск сёлета зробіць крок наперад і ў развіцці сістэмы аховы здароўя. У горадзе шахцёраў ўзводзяць новую паліклініку. Гэта будзе шасціпавярховы будынак з ультрасучасным медыцынскім абсталяваннем.
Адзначым, генеральны план развіцця Салігорска знаходзіцца ў стадыі карэкціроўкі і абмеркавання. У гэтых працэсах актыўны ўдзел прымаюць і самі гараджане.
