Сёння пра гэта на сустрэчы з дэпутатамі Палаты прадстаўнікоў заявіў кіраўнік прадстаўніцтва банка ў Беларусі Ян Чул Кім. Ён адзначыў, што за апошнія тры гады ўдалося ў значнай ступені павялічыць аб'ёмы фінансавання, якія выдзяляюцца нашай краіне, а таксама колькасць рэалізуемых праектаў.
Ян Чул Кім, кіраўнік прадстаўніцтва Сусветнага банка ў Беларусі: "Зараз мы пачынаем падрыхтоўку стратэгіі партнёрства на наступны перыяд на вельмі пазітыўнай ноце, таму што Беларусь зарэкамендавала сябе як краіна, дзе мерапрыемствы і праекты рэалізуюцца своечасова, на высокім якасным узроўні і з эканоміяй грашовых сродкаў, што дазваляе выкарыстаць гэтыя сэканомленыя сродкі для рэалізацыі новых праектаў. Глабальная эканоміка аднаўляецца пасля цэлага шэрагу перыядаў нізкіх узроўняў росту. Гэты момант з'яўляецца яшчэ адной магчымасцю для Беларусі, каб заявіць пра сябе на сусветным рынку. Я аптымістычна настроены наконт будучыні вашай краіны і яе эканомікі".
Ян Чул Кім у хуткім часе пакідае пасаду кіраўніка прадстаўніцтва Сусветнага банка ў Беларусі, на якой прапрацаваў 3,5 года. Ён адзначыў, што наша краіна займае 37-е месца ў свеце па індэксе Doing Business, у той час як дзесяць гадоў таму пазіцыі былі значна ніжэйшыя.
