Падобна МЗКЦ, лёс такога прамысловага гіганта, як БелАЗ у свой час вісеў, што завецца, на валасінцы. Але дзякуючы правільным, і што немалаважна - своечасовым - рашэнням сёння мы не без гонару гаворым аб адным з найбуйнейшых заводаў кар'ернай тэхнікі. У свеце такіх усяго 8. І адзін з іх у Жодзіне. Візітная картка БелАЗа - 450-тоннік - лічыцца самым вялікім самазвалам на планеце і ўжо занесены ў Кнігу рэкордаў Гінеса. Аб бальшагрузах, якім не страшная перашкода справа, і беларускай вытворчасці, якая вядомая на ўвесь свет, у праекце "Мы зрабілі гэта разам" глядзіце прама цяпер.
Ён важыць больш як 800 тон і можа разагнацца да 64 кіламетраў за гадзіну. Яго вышыня - звыш 8 метраў. А гэта амаль 4-павярховы дом.
Самы вялікі ў свеце самазвал выехаў з канвеера БелАЗа ў верасні 2013-га.
Жодзінскага гіганта адразу ж заявілі ў Кнігу рэкордаў Гінеса. І ўжо праз год самазвал выруліў на сусветны рынак.
Такога поспеху тут дамагліся ўсяго за два гады - а менавіта за столькі быў створаны 450-тоннік. Але спачатку 1947 год. З жодзінскага тады нават яшчэ не завода - а тут было ўсяго пару цэхаў - першая партыя кустарэзаў адпраўляецца ў лясы. І толькі ў 1958-м урад СССР прымае рашэнне аб стварэнні найбуйнейшага прадпрыемства па выпуску кар'ернай тэхнікі.
А гэта, па сутнасці, прапрадзядуля 450-тонніка. Яго грузападымальнасць у 18 разоў меншая. Менавіта 25-тоннік у гістарычны для завода дзень 7 лістапада 1958 года выязджае з цэха. Гэта першая машына ў будучыні найбуйнейшага ў свеце прадпрыемства па выпуску кар'ернай тэхнікі
Менавіта гэты перыяд - пачатак 90-ых - чорная старонка ў гісторыі завода. Продажы самазвалаў скараціліся ў дзясяткі разоў.
Нягледзячы на складаны час, новае кіраўніцтва новай незалежнай краіны робіць стаўку на гэтае прадпрыемства і паднімае яго фактычна з каленаў. Тут праводзіцца поўная мадэрнізацыя канвеерных ліній і, вядома ж, з'яўляецца абноўлены БелАЗ.
Ужо пасля мадэрнізацыя працягваецца. Кошт абсталявання толькі ў адзін цэх - мільёны долараў. Каласальныя ўкладанні даюць свой вынік - сёння тут вырабляюць усе існуючыя ў свеце самазвалы.
Штодня ў свеце здабываюцца сотні тысяч тон вуглю. І мала яго проста здабыць, трэба яшчэ і вывезці. І жодзінскі гігант ужо больш як паўстагоддзя на справе даказвае - гэтая праца выключна для яго. Сёння БелАЗ - гэта трэць рынку кар'ерных самазвалаў у свеце. Але ўсё яшчэ толькі пачынаецца - упэўненыя на прадпрыемстве: гавораць, ужо хутка на кар'еры можа з'ехаць больш магутны самазвал.
Пакуль жа статус самага вялікага самазвала на планеце адназначна належыць нашаму 450-тонніку. Гружаны, ён важыць больш за "Боінг 747" і пры гэтым у працы незвычайна дынамічны. Ён тое, што, па сутнасці, мы - беларусы - зрабілі разам. І тое, без чаго немагчыма сёння ўжо ўявіць сусветны рынак кар'ернай тэхнікі.
