Як адзначыў Прэм'ер-міністр Міхаіл Мясніковіч, дакумент стане добрым знакам інвестарам. Яны павінны пераканацца ў тым, што ў краіне паслядоўна рэалізуюцца прынцыпы шматукладнай эканомікі. Ва ўрадзе разлічваюць, што ў дапрацоўцы праекта закона аб дзяржаўна-прыватным партнёрстве бізнес прыме актыўны ўдзел.
Законы аб дзяржаўна-прыватным партнёрстве прынятыя ў многіх краінах свету. У Расіі адпаведны мадэльны дакумент дзейнічае для рэгіёнаў. Прыняцце закона ў Беларусі створыць дадатковыя магчымасці ўзаемадзеяння дзяржавы і прадпрымальнікаў.