Беларускаму прадпрымальніку максімальна палегчылі вядзенне сваёй справы, а пачаткоўцам спрасцілі ўмовы на старце бізнесу! Сёння Прэзідэнт падпісаў Дэкрэт "Аб развіцці прадпрымальніцтва". Гэта ключавы дакумент з "ліберальнага" пакета дакументаў па разняволенні дзелавой ініцыятывы. У выніку бізнес атрымаў мноства навацый, якія закранаюць усе сферы дзейнасці. Новая генеральная лінія - мінімум умяшання ў працу прыватнага сектара. Іншымі словамі, прадпрымальніку далі больш ільгот і свабоды, але і бізнес павінен паручыцца, што працаваць будзе на сумленне. Дзяржава захавае кантроль за працай прыватніка, але ён застанецца толькі там, дзе гаворка ідзе аб здароўі і бяспецы грамадзян і краіны ў цэлым.
Чакаецца, што новы дэкрэт стымулюе дзелавую актыўнасць у краіне і палепшыць інвестклімат. У Мінэканомікі разлічваюць, што прадпрымальнікі адчуюць аддачу ўжо ў першай палове наступнага года. Ліберальныя падыходы ў рабоце бізнесу дазволяць павялічыць долю прадпрымальнікаў у эканоміцы Беларусі да 40%.
