Пасяўная кампанія і развіццё сельгасвытворчасці - галоўныя тэмы рабочай паездкі Прэзідэнта ў Смалевіцкі раён. Аляксандр Лукашэнка наведаў арганізацыі групы кампаній "Сервалюкс" - прадпрыемства па выпуску паўфабрыкатаў з мяса птушкі і малочна-таварную ферму. Галоўнае - эфектыўнасць вытворчасці, колькі атрымалася зарабіць у казну, а не колькасныя паказчыкі - аб гэтым заявіў Аляксандр Лукашэнка, гаворачы аб крытэрыях ацэнкі працы кіраўнікоў раёнаў. Таксама абмеркавалі і вясновыя палявыя працы. Міністр сельскай гаспадаркі расказаў, што зараз усе вобласці прыступілі ўжо да сяўбы ранніх яравых збожжавых культур, тэмпы прац добрыя. Прэзідэнт адзначыў, што ў цяперашніх умовах надвор’я, калі глеба сухая, трэба сеяць больш актыўна. Што датычыцца сельгаскультур, трэба павялічыць плошчы пад грэчку, каб нарасціць яе вытворчасць і не залежаць ад паставак з Расіі.
Зараз Аляксандр Лукашэнка адказвае на пытанні журналістаў. Сярод ужо заяўленага: школьныя канікулы, хутчэй за ўсё, працягнуць на тыдзень. Пасля вывучэння патэнцыяльнай напаўняльнасці класаў. Таксама Прэзідэнт даручыў падрыхтаваць прапановы аб падтрымцы розных сектараў бізнесу на фоне каранавіруса.
Прэзідэнт даручыў павялічыць пасяўныя плошчы пад грэчку і падрыхтаваць прапановы аб падтрымцы бізнесу
3 апреля 2020
