Прэзідэнт аб будучыні Белгазпрамбанка: Зробім усё, каб ён прыносіў карысць

24 ноября 2020

Прэзідэнт прыняў з дакладам кіраўніка часовай адміністрацыі Белгазпрамбанка. Аляксандр Лукашэнка падзякаваў Надзеі Ермаковай за тое, што яна пагадзілася ўзначаліць структуру і ў няпросты перыяд змагла стабілізаваць сітуацыю. Зараз банк дэманструе стабільную працу. І Беларусь зацікаўлена ў яго развіцці.

У сярэдзіне снежня заканчваецца тэрмін паўнамоцтваў часовай адміністрацыі. Да гэтага моманту трэба будзе сфарміраваць кіраўніцтва Белгазпрамбанка.