Ільняная галіна краіны здольная стаць удвая больш эфектыўнай на працягу некалькіх гадоў. Аб гэтым сёння заявіў Прэзідэнт Беларусі, наведваючы Аршанскі льнокамбінат. Аляксандр Лукашэнка падрабязна азнаёміўся з вытворчасцю і прадукцыяй, прайшоў па цэхах і пагутарыў з працаўнікамі прадпрыемства. Кіраўнік дзяржавы выказаў долю крытыкі ў адрас кіраўніцтва АПК і губернатараў: аб'ёмы айчыннай сыравіны, а часта і яе якасць, недастатковыя. На мадэрнізаваным Аршанскім ільнокамбінаце застаюцца незагружанымі каля траціны магутнасцяў, а частку валакна прыходзіцца закупляць за мяжой. А гэта адразу ж адбіваецца на цане прадукцыі і эфектыўнай працы прадпрыемства. Кіраўнік дзяржавы патрабуе большай аддачы ад галіны. Усе намаганні ў найбліжэйшы час варта сканцэнтраваць на развіцці глыбокай перапрацоўкі.
Кіраўніка дзяржавы запэўнілі, што ў цэлым лён - гэта рэнтабельная культура, на якой можна зарабляць, для гэтага ў краіне ўжо многа зроблена. Гэтымі хвілінамі будучыню галіны абмяркоўваюць на нарадзе з удзелам Прэзідэнта. Падрабязнасці ў наступных выпусках.
