Прэзідэнт Кыргызстана Алмазбек Атамбаеў падпісаў закон аб далучэнні краіны да Еўразійскага эканамічнага саюза. Дакумент аб ратыфікацыі адпаведных дагавораў учора прыняў парламент краіны. Паводле слоў Атамбаева, уваходжанне ў ЕАЭС адкрые перад эканомікай Кыргызстана новыя магчымасці і надасць дадатковы імпульс да яшчэ больш дынамічнага развіцця. Афіцыйнае ўваходжанне ў ЕАЭС адбудзецца пасля таго, як усімі краінамі-удзельніцамі будзе ратыфікаваны дагавор аб далучэнні. У Бішкеку выказваюць надзею, што гэта адбудзецца ўжо ўлетку.
