Самым галоўным у пытанні захавання дзяржаўнасці застаецца эканоміка. У фокусе ўвагі, нагадвае Прэзідэнт, павінны быць людзі. Прынцыповае патрабаванне - грошы, у тым ліку крэдытныя, павінны ісці першым чынам на падтрымку працоўных калектываў, вельмі важна захаваць рабочыя месцы і своечасова плаціць зарплаты. Гэтае пытанне Аляксандр Лукашэнка трымае на сталым кантролі.
Тэндэнцыя на змякчэнне фінансавай палітыкі
Дапамагчы важна і тым прадпрыемствам, якія патрапілі ў складаную сітуацыю і сапраўды маюць патрэбу ў падтрымцы. Але фінансаваць трэба толькі жыццяздольныя кантракты. Працаваць на склад недапушчальна. Экспарт і замяшчэнне імпарту - пытанне ўстойлівасці краіны. Прэзідэнт арыентаваў нацыянальнага рэгулятара на паніжэнне стаўкі рэфінансавання. У цэлым трымаем курс на змякчэнне фінансавай палітыкі і забеспячэнне сталага росту крэдытавання эканомікі. Гэта толькі некаторыя фрагменты вялікай размовы, якая адбылася ў Палацы Незалежнасці.
