Лічбавае развіццё краін ЕАЭС, фарміраванне агульнага рынку газу, узаемадзеянне ў сферах энергетыкі і транспарту. Прэм'ер-міністры Расіі, Беларусі, Казахстана, Кыргызстана і Арменіі абмеркавалі сёння найбольш важныя пытанні Еўразійскага эканамічнага саюза. У Санкт-Пецярбургу прайшоў міжурадавы совет ЕАЭС. Усяго на парадку дня - каля двух дзясяткаў важных для саюза тэм. Адна з іх - стварэнне адзінай сістэмы транзіту грузаў па мытнай тэрыторыі ЕАЭС. Усе тавары павінны быць прамаркіраваныя спецыяльнай сістэмай ідэнтыфікацыі. Уся інфармацыя аб іх уносіцца ў адзіны рэестр. Гэта дазволіць прасочваць іх рух і забяспечыць роўныя ўмовы канкурэнцыі, павысіць якасць тавараў, дапаможа весці барацьбу з шэрым рынкам і кантрафактам, а таксама зробіць празрыстай сістэму залічэння і размеркавання сум увазных мытных пошлін паміж бюджэтамі краін ЕАЭС. Яшчэ адна важная задача, якая сёння стаіць перад саюзам, развіццё лічбавай эканомікі. Гэта датычыцца электроннай камерцыі, укаранення IT-тэхналогій у транспарце, прамысловасці і мытнай справе.
Пасля Санкт-Пецярбурга эстафету прымае Мінск: у кастрычніку ў беларускай сталіцы пройдзе наступнае пасяджэнне міжурадавага совета.
