Прэм'ер-міністры Беларусі і Расіі правядуць сёння перамовы ў Маскве. Галоўнае пытанне, якое плануюць абмеркаваць Сяргей Румас і Дзмітрый Мядзведзеў, - гэта сітуацыя, звязаная з нафтаправодам "Дружба".
У сярэдзіне красавіка канцэрн "Белнафтахім" паведаміў аб пастаўках некандыцыйнай нафты з Расіі. Два беларускія заводы вымушана скарацілі аб'ёмы нафтаперапрацоўкі, быў прыпынены транзіт у Еўропу. Транснафта прызнала наяўнасць забруджванняў. Мінск запатрабаваў кампенсацыі. Была створана беларуска-расійская рабочая група. Па словах кіраўніка ўрада Беларусі, узгоднена дарожная карта, і некаторыя яе пункты ўжо выконваюцца абодвума бакамі.
Падчас сённяшняй сустрэчы таксама будзе абмяркоўвацца комплекс пытанняў, звязаных з інтэграцыйным працэсам і станам гандлёва-эканамічных адносін паміж нашымі краінамі.
Прэм'ер-міністры Беларусі і Расіі правядуць перамовы ў Маскве
24 мая 2019