Беларусь плануе разгледзець магчымасць укаранення сістэмы страхавання па беспрацоўі і павелічэнне дапамогі да бюджэту пражытачнага мінімуму ў 2017 годзе.
Гэтыя падыходы закладзены ў праграму садзейнічання занятасці на найбліжэйшыя 5 гадоў. Сёння ў Палаце прадстаўнікоў першы намеснік міністра па працы і сацабароне Андрэй Лабовіч прадставіў дэпутатам змяненні ў праект закона "Аб занятасці". Упершыню ў ім ідзе размова аб перанавучанні тых, хто можа трапіць пад скарачэнне або страціць працу. А таксама жанчын у дэкрэце, якія да яго нідзе не працавалі. Інфармацыю аб вакансіях наймальнік павінен падаваць на працягу 5 дзён.
Андрэй Лабовіч, першы намеснік міністра працы і сацабароны Беларусі: "Паменшаны з 36 месяцаў да 18 перыяд знаходжання ў якасці беспрацоўнага, паменшаны тэрмін, на працягу якога беспрацоўны, атрымаўшы накіраванне ў службе занятасці, павінен з'явіцца да наймальніка з трох да двух дзён. Нормы праекта закона накіраваны ў першую чаргу на павелічэнні матывацыі беспрацоўных да пошуку працы, да працы, узмацненне адказнасці наймальнікаў за парушэнне заканадаўстваў аб працы".
Зараз падрыхтаваны праект змяненняў у дэкрэт №3 "Аб папярэджанні сацыяльнага ўтрыманства". У ім удакладнены пералік асоб, якія не будуць лічыцца дармаедамі, а таксама механізм выплаты збору тым, хто абавязаны вяртаць выдаткі дзяржавы. Змяненні ўнесены на разгляд у Саўмін.
