Прадстаўнікі больш як 30 краін Афрыканскага кантынента пагутарылі з экспарцёрамі Беларусі.
Прэзентацыя беларускага экспартнага патэнцыялу для краін Афрыкі адбылася напярэдадні ў Маскве ў пасольстве Беларусі ў Расіі. Тут сабраліся паслы афрыканскіх краін, акрэдытаваныя ў Расіі і па сумяшчальніцтве ў Беларусі. Прамыя кантакты патэнцыяльных пакупнікоў з беларускімі вытворцамі - яшчэ адзін крок ва ўмацаванні так званай далёкай дугі знешняй палітыкі рэспублікі. Прадстаўнікі дыпмісій 31-й краіны Афрыканскага кантынента пагутарылі з вядучымі экспарцёрамі нашай краіны. Менеджары БелАЗа, МТЗ, МАЗа, Гомсельмаша, Амкадора расказалі пра сваю прадукцыю і магчымыя схемы яе паставак. Асаблівую цікавасць замежныя дыпламаты выявілі да сельскагаспадарчай і велікагрузнай тэхнікі, прадукцыі Беларускай калійнай кампаніі і прадпрыемстваў нафтахіміі.
Юрый Ярашэвіч, саветнік-пасланнік пасольства Беларусі ў Расіі:
У такія сустрэчы мы закладваем магчымасць праявіцца нашым экспарцёрам непасрэдна, што гаворыцца, на кароткай назе пагутарыць з кіраўнікамі дыпламатычных місій, акрэдытаваных тут, у Маскве. Як вы ведаеце, 77 пасольстваў працуюць на Беларусь з Масквы. Мы не можам прапусціць такую магчымасць, маючы такую выдатную пляцоўку, каб прадставіць Беларусь як мага лепш.
Знешнегандлёвы абарот Беларусі з краінамі Афрыкі летась склаў 460 мільёнаў долараў. Як адзначыла пасол Рэспублікі Руанда ў Расіі, яе краіна актыўна развівае аграрны сектар, таму высокая цікавасць да паставак беларускай тэхнікі і ўгнаенняў. Наша краіна выяўляе цікавасць да імпарту нафты, рэдкіх каляровых металаў, кавы, гарбаты і бавоўны.
