Давайце з Лондана перанясёмся ў Вашынгтон. У амерыканскай сталіцы штогод вясной Міжнародны валютны фонд збірае сваіх акцыянераў. Мерапрыемства нават атрымала рамантычную назву "Вясновыя сустрэчы".
На ім абмяркоўваюць праблемы глабальнай эканомікі, міжнароднага развіцця і фінансавых рынкаў. Пабывала там і беларуская дэлегацыя: кіраўніцтва Нацбанка, адразу двух профільных міністэрстваў - фінансаў і эканомікі, прадстаўнікі прэзідэнцкай Адміністрацыі і Банка развіцця Беларусі. Прагаварылі пытанні, звязаныя з праграмай МВФ для Беларусі, перспектывамі крэдытнай лініі Сусветнага банка. Яго кіраўніцтва павінна прыехаць у Беларусь. Такая дамоўленасць ужо дасягнута. Акрамя таго, Bank of America Merrill Lynch і VTB Capital арганізавалі для беларускай дэлегацыі сустрэчы з інвестарамі. Нашы распавялі аб магчымасцях укладваць у беларускія пазыковыя інструменты (а цікавасць ёсць), і, карыстаючыся такой кароткай дыстанцыяй, прадставілі без пасрэднікаў цяперашні эканамічны курс краіны.
У рамках гэтых сустрэч прайшла нават прэзентацыя англамоўнай (скарочанай для замежнага чытача) версіі кнігі "Фінансавая дыета". Нашы амерыканскія калегі, журналісты Рускай службы "Голасу Амерыкі", пагутарылі з аўтарам кнігі, памочнікам Прэзідэнта Беларусі па эканамічных пытаннях Кірылам Рудым. Лагічна, што першае пытанне - аб магчымасцях сустрэч у Вашынгтоне і перспектывах супрацоўніцтва Беларусі і МВФ.
Памочнік Прэзідэнта Беларусі Кірыл Руды адказаў на пытанні Рускай службы "Голасу Амерыкі" спецыяльна для Агенцтва тэленавін.
