Кіраўніцтва кампаніі, якая базіруецца ў пасёлку Гатава, вярнулася з Лондана з Гран-пры за дасягненні ў флексапячаці. Дзе вырабляюць этыкеткі, у якіх мы купляем каўбасы, каву і цукеркі?
Раскажа Якаў Бута.
Вось ён - паліграфічны Оскар. Самая каштоўная сярод усіх астатніх узнагарод кампаніі. А іх за 18 гадоў сабралася дастаткова. Гран-пры ў галіне флексапячаці прывезлі з Лондана.
Кампанія - адзін з лідараў у СНД у галіне гібкай упакоўкі і самаклейнай этыкеткі. Працуе з вядучымі сусветнымі брэндамі. Але малако ў такіх пакетах не ўбачыш - атрымаецца занадта дорага. Кіраўніцтва кажа, што кампанія фактычна ўдзельнічае ў стварэнні прадуктаў - бо сустракаюць тавар па ўпакоўцы.
Вось у гэтай упакоўцы мы з вамі купляем чыпсы, семечкі, крупы, каву.... усе, што заўгодна. Штомесяц з канвеера сыходзіць да шасці мільёнаў пакетаў.
Імклівае развіццё кампаніі пачалося два гады таму, калі яна пераехала за межы горада. Да гэтага офісы і невялікая вытворчасць размяшчалася ў самым цэнтры горада і расці было няма куды. Цяпер плошчаў дастаткова.
На сённяшні дзень да 80% прадукцыі ідзе на экспарт. У асноўным - Расія. У бліжэйшых планах - выхад на еўрапейскі рынак. Дапаможа ў гэтым, у тым ліку, і перамога на прэстыжным конкурсе.
